ضاعت الرومانسيه ..........

هل ماتت الرومانسيه ؟؟

سؤال رائع .. للأجابه عن السؤال لازم نعرف الأول
معنى كلمه رومانسيه ... واضح جدا ان الرومانسيه ليست كلمه
عربيه و انها قادمه ومتسلله الى الثقافه العربيه عبر المد الثقافى
وألأحتكاك بالمفاهيم الغربيه .... لو سألت امى " رحمه الله عليها "
عن معنى الرومانسيه هاتقولى على طول " الرومانسيه هى " السهوكه "
والمتسهوك فى المعجم الكبير هو الأنسان الدبلان اللى بيرقق صوته و بيتكلم من مناخيره
وبيقول كلام ملهوش لازمه ... عامل فيها انه قطه بالعافيه .. بينشط ليلا
قليل الأنتاج .. بيعتمد على نظرات عينه السهتانه و رموش عينه الطويله
علاقاته بالجنس الأخر كثيره .. ولكنها قصيره ...فى الكلام مافيش بعد كده
فى الأفعال "حين ميسره" .حزين معظم الوقت .. ضعيف . وبيتجوز واحده
وحشه فى الأخر " ....